Tragična priča: Severina otkrila kome je posvećena pjesma „Prijateljice“

0

Jedan od najvećih Severininih hitova, pjesma „Prijateljice“, iza sebe krije tragičnu i tužnu priču za koju većina nije znala. Ipak, poznata pjevačica odlučila je progovoriti o ovoj za nju teškoj temi i otkriti kome je zapravo posvećena pjesma.

Kako Severina otkriva, posvećena je njenoj tragično nastradaloj drugarici Marici.

„Pjesmu ‘Prijateljice’ napisala sam za moju drugaricu i trebalo je da se pjesma zove drugačije. Moja prijateljica se zvala Marica i trebalo je da se zove ‘Marice, moja prijateljice’, jer je to bila moja školska drugarica koja je, nažalost, poginula. Ali nisam mogla tada zbog njenih roditelja, a drugovi iz razreda su mi rekli da moram kad tad da snimim pjesmu o njoj“, ispričala je Severina.

Pjesma je snimljena davne 1998. godine, a i danas je vrlo popularna.

„Drago mi je da se ta pjesma pjeva, ona je bila prelijepa, imala je prelijepe zelene oči i ponekad su nas miješali, a meni je bilo drago jer je zaista bila prelijepa“, dodala je slavna pjevačica.

 

Foto: Facebook/Severina

 

Podijeli:

O autoru

Ostavi komentar


4 × = 36